ക്ഷേത്രത്തിൽ സ്വർണമാല മോഷണം; മൂന്ന് തമിഴ് സ്ത്രീകൾ അറസ്റ്റിൽ

തൊ​ഴാനായി ക്ഷേത്രത്തിൽ വന്ന സ്​​ത്രീ​യു​ടെ സ്വർണമാല മോ​ഷ്ടി​ച്ചെ​ടു​ത്ത് മൂന്ന് സ്ത്രീകൾ. തമിഴ്നാട് സേ​ലം സ്വ​ദേ​ശി​നിക​ളാ​യ പൂ​വ​ര​ശി, സു​മി​ത്ര, സു​ക​ന്യ എന്നിവരാണ് മാല മോ​ഷ്ടിച്ചത്. ഇവരെ അ​ഞ്ചാ​ലും​മൂ​ട് പൊ​ലീ​സ് അറസ്റ്റ് ചെയ്തു. ചൊ​വ്വാ​ഴ്ച രാ​വി​ലെയായിരുന്നു സംഭവം.ക​ട​വൂ​ർ ശ്രീ​മ​ഹാ​ദേ​വ​ർ ക്ഷേ​ത്ര​ത്തി​ൽ തൊ​ഴാ​ൻ എ​ത്തി​യ ചാ​ത്തി​നാം​കു​ളം സ്വ​ദേ​ശി​യാ​യ മ​ഹി​ളാ​മ​ണി​യ​മ്മ​യു​ടെ ഒ​ന്നേ​കാ​ൽ ല​ക്ഷം രൂ​പ വി​ല വ​രു​ന്ന സ്വ​ർ​ണ​മാ​ല​യാ​ണ് ഇ​വ​ർ മോ​ഷ്​​ടി​ച്ചെ​ടു​ത്ത​ത്. ക്ഷേ​ത്ര​ത്തി​ലെ സി.​സി.​ടി.​വി ദൃ​ശ്യങ്ങളിൽ നിന്നാണ് മോഷ്ട്ടാക്കളെ തിരിച്ചറിഞ്ഞത്. ഇതിന് പിന്നാലെ പൊലീസിൽ വിവരമറിയിക്കുകയും തുടർന്നുള്ള അന്വേഷണത്തിൽ ഇവരെ കണ്ടെത്തുകയും പിടികൂടുകയുമായിരുന്നു.