വൈറലാണ് ബേക്കൽ സ്കൈ ഡൈനിംഗ്

കാസർ​ഗോഡ്‣ ബേക്കലിൽ ആരംഭിച്ച സ്കൈ ഡൈനിം​ഗ് വൈറലാകുന്നു.

പൊതു-സ്വകാര്യ പങ്കാളിത്തത്തോടെ സംസ്ഥാനത്ത് ആദ്യമായി കാസർഗോഡ് ജില്ലയിലെ ബേക്കലിൽ ആരംഭിച്ച സ്കൈ ഡൈനിം​ഗ് ഇതിനകം തന്നെ ശ്രദ്ധേയമായി.ബേക്കൽ ബീച്ച് പാർക്കിൽ‌ 120 അടി ഉയരത്തിൽ ഇരുന്ന് ഭക്ഷണം കഴിച്ച് കൊണ്ട് കടലിന്റെയും ബേക്കൽ കോട്ടയുടെയും സൗന്ദര്യം ആസ്വദിക്കാം എന്നതാണ് സ്കൈ ഡൈനിം​ഗിൻ്റെ പ്രത്യേകത.ഭക്ഷണവും സാഹസികതയും ഒത്തു ചേരുന്ന പുതിയൊരു അനുഭവമാണ് സ്കൈ ഡൈനിം​ഗ് സമ്മാനിക്കുക.

ക്രെയിൻ ഉപയോഗിച്ച് 120 അടി ഉയരത്തിൽ ഒരുക്കിയിരിക്കുന്ന ഒരു സവിശേഷ ഡൈനിം​ഗ് അനുഭവമാണ് ബേക്കലിലെ സ്കൈ ഡൈനിം​ഗ്.

പ്രിയപ്പെട്ടവർക്കൊപ്പം മനോഹരമായ കാഴ്ചകൾ കണ്ട് രുചികരമായ ഭക്ഷണം കഴിച്ച് അവിസ്മരണീയ ഡൈനിംഗ് അനുഭവം ആഗ്രഹിക്കുന്നു എങ്കിൽ നിങ്ങൾ തീർച്ചയായും സന്ദർശിക്കേണ്ട സ്ഥലമാണ് ബേക്കൽ ബീച്ചിലെ സ്കൈ ഡൈനിം​ഗ് റെസ്റ്റോറന്റ്.16 സീറ്റുകളുള്ള സ്കൈ ഡൈനിംഗാണ് ബേക്കലിൽ ഒരുക്കിയിരിക്കുന്നത്. പ്ലാറ്റ്ഫോമിൻ്റെ നടുവിലായി സെര്‍വിംഗ് പോയിന്റുണ്ട്.

ഇവിടെയുള്ള ജീവനക്കാരാണ് ഭക്ഷണം വിളമ്പുകയും സുരക്ഷാ ചുമതലകൾക്ക് മേൽനോട്ടം നൽകുകയും ചെയ്യുന്നത്. 4 ജീവക്കാർ സ്കൈ ഡൈനിംഗിലുണ്ട്. ചിത്രം, വീഡിയോ പകര്‍ത്താനും ഇവര്‍ സഹായിക്കും.