എഴുത്തച്ഛൻ പുരസ്കാരം എൻഎസ് മാധവന് മുഖ്യമന്ത്രി സമ്മാനിച്ചു

എഴുത്തച്ഛൻ പുരസ്കാരം എൻഎസ് മാധവന് മുഖ്യമന്ത്രി പിണറായി വിജയൻ സമ്മാനിച്ചു.എഴുത്തച്ഛൻ പുരസ്കാരം എൻ എസ് മാധവന് സമ്മാനിക്കാൻ കഴിഞ്ഞതിൽ അതിയായ സന്തോഷമുണ്ടെന്ന് മുഖ്യമന്ത്രി പറഞ്ഞു.

മലയാളത്തിൽ സർഗാത്മകത കൊണ്ട് ഭാവുകത്വം തീർത്ത എഴുത്തുകാരനാണ് എൻ എസ് മാധവനെന്നും കോളിളക്കം സൃഷ്ടിച്ച സമകാലിക രാഷ്ട്രീയ സംഭവങ്ങളിൽ അവധാനതയോടെ പ്രതികരിച്ച ആളാണ് അദ്ദേഹമെന്നും മുഖ്യമന്ത്രി പറഞ്ഞു.പുരസ്കാരത്തിന് ഏവരോടും നന്ദിയെന്ന് എൻ എസ് മാധവൻ പ്രതികരിച്ചു.

തന്റെ രചനയിലൂടെ മലയാളഭാഷയെ അടിമുടി പരിഷ്കരിച്ച കവിയാണ് എഴുത്തച്ഛനെന്ന് മുഖ്യമന്ത്രി. കേരള ഭാഷയെ മാനവീകരിച്ച കവിയാണ്
അദ്ദേഹമെന്നും നാടിന് ഭാവ ഐക്യം ഉണ്ടാക്കിയ കവിയാണ് എഴുത്തച്ഛനെന്നും, അദ്ദേഹം ജാതീയതയുടെ ഇരുട്ടിൽ വിളക്ക് കൊളുത്തി വെച്ച കവിയാണെന്നും മുഖ്യമന്ത്രി കൂട്ടിച്ചേർത്തു.