പി. ജയചന്ദ്രൻ അനുസ്മരണ സമ്മേളനം തിരൂരിൽ

 

തിരൂർ – കണ്ണൂർ : മലയാളികൾക്ക് മറക്കാനാകാത്ത അതുല്യ ഭാവ ഗായകൻ പി. ജയചന്ദ്രന്റെ വേർപാടിൽ അനുശോചനം രേഖപ്പെടുത്തിക്കൊണ്ട്, ‘പ്രിയദർശിനി ആർട്സ് & സ്പോർട്സ് ക്ലബ്ബിന്റെ’ നേതൃത്വത്തിൽ, കണ്ണൂർ ജില്ലയിലെ തിരൂരിൽ അനുസ്മരണ സമ്മേളനം സംഘടിപ്പിച്ചു. പ്രിയദർശിനി ആർട്സ് & സ്പോർട്സ് ക്ലബ്ബ്‌ പ്രസിഡണ്ട് രാജീവ്‌ ജോസഫിന്റെ അദ്ധ്യക്ഷതയിൽ നടന്ന പരിപാടിയിൽ, പ്രശസ്ത നർത്തകിയും പ്രിയദർശിനി ക്ലബ്ബിലെ നൃത്ത അദ്ധ്യാപികയുമായ അനുപമ പത്മിനിയും ശിഷ്യരും ശ്രദ്ധാഞ്ജലി അർപ്പിച്ചു.

കലാ – കായിക – സാംസ്‌കാരിക – സാഹിത്യ – സാമൂഹ്യ – വിദ്യാഭ്യാസ രംഗത്ത് അതുല്യമായ സംഭാവനകൾ നൽകിയ
രാജ്യത്തെ പ്രമുഖ വ്യക്തിത്വങ്ങളെ,
തിരൂർ ദേശത്ത് വളർന്നുവരുന്ന കുരുന്നു പ്രതിഭകൾക്ക് പരിചയപ്പെടുത്തുന്ന നിരവധി കർമ്മ പരിപാടികളുടെ ഭാഗമായിട്ടാണ്, അനുസ്മരണ സമ്മേളനങ്ങളും ശ്രദ്ധാഞ്ജലികളും യഥാസമയങ്ങളിൽ തിരൂരിൽ സംഘടിപ്പിക്കുന്നതെന്ന് രാജീവ്‌ ജോസഫ് പറഞ്ഞു.