മതിൽ ചാടി അകത്ത് കയറിയത് വീട്ടുടമസ്ഥന്റെ മകൻ’, നായകളെ ഉപദ്രവിക്കണമെന്ന് പറയുന്നില്ല; പി വി ശ്രീനിജൻ MLA
1 min read
എറണാകുളം കുന്നത്തുനാട് വെമ്പള്ളിയിൽ അനധികൃതമായി നായകളെ പാർപ്പിച്ചിരുന്ന വീട്ടിൽ അതിക്രമിച്ചു കയറി മതിൽ തകർത്തുവെന്ന ആരോപണം നിഷേധിച്ച് പിവി ശ്രീനിജൻ എംഎൽഎ. ജനപ്രതിനിധിയെന്ന നിലയിൽ താൻ അവിടെ എത്തിയിരുന്നുവെന്നും ഉടമസ്ഥന്റെ മകനാണ് മതിൽ ചാടി കയറി വീടിനകത്തേക്ക് പ്രവേശിച്ചതെന്നും എം എൽ എ വ്യക്തമാക്കി. ചെയ്യുന്നകാര്യങ്ങൾ നല്ലതാണെങ്കിൽ പൂർണമായും പിന്തുണ നൽകാൻ തയ്യാറാണ് എന്നാൽ പൊതുജനങ്ങൾക്ക് ബുദ്ധിമുട്ടുണ്ടാവാത്ത തരത്തിൽ കാര്യങ്ങൾ കൈകാര്യം ചെയ്യേണ്ടതുണ്ട്. സർക്കാർ നിർദേശിക്കുന്ന കൃത്യമായ മാനദണ്ഡങ്ങൾ പാലിച്ചുകൊണ്ട് നായകളെ പാർപ്പിച്ചിരുന്ന ഷെൽട്ടർ ഹോം പ്രവർത്തിക്കേണ്ടതുണ്ട്. നായകളെ ഉപദ്രവിക്കണമെന്ന് പറയുന്നില്ലെന്നും അദ്ദേഹം കൂട്ടിച്ചേർത്തു.
അതേസമയം, ജില്ലാ മൃഗസംരക്ഷണ ഓഫീസർ വെമ്പള്ളിയിലെ വീട് സന്ദർശിക്കും. മൂവാറ്റുപുഴ ആർഡി ഒയോട് ഐപിസി 133 പ്രകാരം കേസ് എടുക്കാൻ കളക്ടർ നിർദേശം നൽകിയിട്ടുണ്ട്. ഉടമയായ വീണ ജനാർദനന് നായ വളർത്തൽ കേന്ദ്രം തുടങ്ങാൻ ലൈസൻസ് ഇല്ല.
