മീനില്ലെങ്കിൽ വേണ്ടന്നേ! നല്ല കുടമ്പുളിയിട്ടുവെച്ച മീനില്ലാ മീൻകറിയുണ്ടല്ലോ
1 min read
ഇത്തിരി മീൻകൂട്ടാനില്ലാതെ എങ്ങനെയാണ് ഉച്ചയ്കക്ക് ഊണ് കഴിക്കുക അല്ലേ? ചിലർക്ക് മീനില്ലാതെ ഉച്ചയ്ക്ക് ചോറിറിങ്ങില്ല… ഒരു ദിവസം മീൻ കിട്ടാതെ വരുമ്പോഴാണ് ഇത്തരക്കാർക്ക് പണി പാളുന്നത്. മീനില്ലെങ്കിൽ നിങ്ങൾക്കും ഊണ് കഴിക്കാൻ മടിയാണോ? എങ്കിൽ നമുക്ക് ഇനി മുതൽ മീനില്ലാതെ ഒരു മീൻകറി ഉണ്ടാക്കി നോക്കാം. വെജിറ്റേറിയൻ ഭക്ഷണം മാത്രം കഴിക്കുന്നവർക്കും ഇതേറെ ഇഷ്ടപ്പെടും. റെസിപ്പിയിതാ…
ആവശ്യമായ ചേരുവകള്‍
സവാള – 1 എണ്ണം
തക്കാളി – 1 എണ്ണം
ഇഞ്ചി, വെളുത്തുള്ളി ചതച്ചത് – 1 ടീസ്പൂണ്‍
പച്ചമുളക് -3 എണ്ണം
ചെറിയ ഉള്ളി – 4 എണ്ണം, ചെറുതായി വട്ടത്തില്‍ അരിഞ്ഞത്
വെളിച്ചെണ്ണ – 1 ടേബിള്‍സ്പൂണ്‍
തേങ്ങാപ്പാല്‍ കട്ടി കുറഞ്ഞത് – 1 കപ്പ്
തേങ്ങാപ്പാല്‍ നല്ല കട്ടിയുള്ളത് – അര കപ്പ്
മഞ്ഞള്‍പൊടി – കാല്‍ ടീസ്പൂണ്‍
കാശ്മീരി മുളകുപൊടി – 1 ടേബിള്‍സ്പൂണ്‍
മുളകുപൊടി – അര ടേബള്‍സ്പൂണ്‍
മല്ലിപ്പൊടി – അര ടീസ്പൂണ്‍
ഉലുവാപ്പൊടി – 2 നുള്ള്
കുടമ്പുളി – 3 എണ്ണം, ചെറുത്
ഉണക്കമുളക് – 3 എണ്ണം
മുരിങ്ങക്ക, ഏത്തക്കായ, വെള്ളരി, എന്നിവയില്‍ ഏതെങ്കിലും ഒന്ന്
കറിവേപ്പില – ആവശ്യത്തിന്
തയ്യാറാക്കുന്ന വിധം
ആദ്യമായി വെള്ളരി, ഏത്തക്കായ, മുരിങ്ങക്ക ഇവയില്‍ ഏതെങ്കിലും ഒന്ന് ചെറിയ ചതുരക്കഷണങ്ങളായി അരിഞ്ഞത് കാൽക്കപ്പെടുക്കു. ശേഷം ചട്ടിയിൽ എണ്ണ ചൂടാക്കി അതിലേക്ക് സവാള, ഇഞ്ചി, വെളുത്തുള്ളി, പച്ചമുളക് എന്നിവ ഓരോന്നായി വഴറ്റിയ ശേഷം മസാലപ്പൊടികള്‍ ചേര്‍ത്ത് ഇളക്കുക. ഇത് നന്നായി മൂത്തുവരുമ്പോഴേക്കും തക്കാളി, കുടമ്പുളി എന്നിവ ചേര്‍ത്ത് അടച്ചുവച്ച് തക്കാളി വെന്ത് ഉടയുന്നതുവരെ വേവിക്കണം..ഇനി ഇതിലേക്ക് കട്ടി കുറഞ്ഞ തേങ്ങാപ്പാലും കഷണങ്ങളാക്കി വച്ചിരിക്കുന്ന വെള്ളരി, മുരിങ്ങക്ക അല്ലെങ്കില്‍ ഏത്തക്കായ ഇവയില്‍ ഏതെങ്കിലും ഒന്ന് ഉപ്പും കൂടി ചേര്‍ത്ത് വേവിക്കുക. ഇത് വെന്തുവരുമ്പോഴേക്കും കട്ടിയുള്ള തേങ്ങാപ്പാല്‍ ചേര്‍ത്ത് ഒന്നു ചൂടാക്കി നന്നായി ഇളക്കി അടുപ്പില്‍ നിന്നും വാങ്ങാം.ഇനി ചെറിയ ഉള്ളിയും കറിവേപ്പിലയും ഉണക്കമുളകും കൂടി എണ്ണയില്‍ കടുക് വറുത്ത് കറിയുടെ മുകളിലായി ഒഴിക്കുക. ഇതോടെ നല്ല സ്വാദൂറും മീനില്ലാ മീൻകറി
