ഓഗസ്റ്റ് 23 ഇനി മുതൽ ദേശീയ ബഹിരാകാശ ദിനമായി ആഘോഷിക്കും; പ്രധാനമന്ത്രി
1 min read
ഓഗസ്റ്റ് 23 ഇനി മുതൽ ദേശീയ ബഹിരാകാശ ദിനമായി ആഘോഷിക്കുമെന്ന് അറിയിച്ച് പ്രധാനമന്ത്രി നരേന്ദ്രമോദി. ബെംഗളൂരുവിൽ ഐ എസ് ആർ ഒ ആസ്ഥാനത്ത് ശാസ്ത്രജ്ഞരെ അഭിസംബോധന ചെയ്ത് സംസാരിക്കവെയാണ് പ്രധാനമന്ത്രി ഇക്കാര്യം അറിയിച്ചത്. ചന്ദ്രയാൻ-3 ദൗത്യം വിജയിച്ചതിന്റെ അടയാളമായാണിത്. ശാസ്ത്രജ്ഞരുടെ അറിവിനെയും സമര്പ്പണത്തെയും സ്മരിക്കുന്നുവെന്നും രാജ്യത്തിന്റെ നേട്ടം മറ്റുള്ളവര് അംഗീകരിച്ചിവെന്നും പ്രധാനമന്ത്രി പറഞ്ഞുചന്ദ്രയാന് 2 ഇറങ്ങിയ ഇടം തിരംഗ പോയിന്റ് എന്ന് അറിയപ്പെടുമെന്നും മോദിപറഞ്ഞു. ഓഗസ്റ്റ് 23 ഇനി ദേശീയ ബഹിരാകാശ ദിനമായി അറിയപ്പെടും. ദക്ഷിണ ദ്രുവത്തിന്റെ ചിത്രം ലോകത്തില് ആദ്യം എത്തിച്ചത് ഇന്ത്യ. ഇന്ത്യന് വനിതാ ശാസ്ത്രജ്ഞരെയും പ്രധാനമന്ത്രി അഭിനന്ദിച്ചു. ലോകം ഇന്ത്യയുടെ ശാസ്ത്രത്തിന്റെ കരുത്ത് കാണുകയാണ്. ശാസ്ത്രജ്ഞര്ക്ക് സല്യൂട്ട് നല്കുകയാണെന്നും അദ്ദേഹം പറഞ്ഞു. വിക്ഷേപണത്തിന് ഇവിടെ ഇല്ലായിരുന്നുവെങ്കിലും മനസ് ഇവിടെ ഉണ്ടായിരുന്നുവെന്നും രാജ്യത്തിന്റെ അഭിമാനം ചന്ദ്രനില് എത്തിയെന്നും അദ്ദേഹം പറഞ്ഞു
