ഫോർട്ട് കൊച്ചിയിൽ അമ്മയെ മകൻ കൊലപ്പെടുത്തിയത് മദ്യപിക്കാൻ പണം നൽകാത്തതിനാൽ

ഫോർട്ട് കൊച്ചിയിൽ അമ്മയെ മകൻ കൊലപ്പെടുത്തിയത് മദ്യപിക്കാൻ പണം നൽകാത്തതിനാൽ. ഫോർട്ട്‌ കൊച്ചി അമരാവതിയിലാണ് നാടിനെ നടുക്കിയ കൊലപാതകം നടന്നത്. 78 കാരിയായ ലക്ഷ്മിയാണ് മകൻ കണ്ണൻ ചവിട്ടി കൊല്ലപ്പെടുത്തിയത്. മദ്യപിക്കാൻ പണം നൽകാത്തതിൻ്റെ വൈരാഗ്യത്തിലായിരുന്നു അമ്മയോട് മകന്റെ ഞെട്ടിക്കുന്ന ക്രൂരത. 78 കാരിയെ മകൻ കണ്ണൻ ചവിട്ടിയും മർദിച്ചും കൊലപ്പെടുത്തുകയായിരുന്നു. സംഭവസമയം കണ്ണൻ മദ്യ ലഹരിയിലായിരുന്നു എന്ന് പൊലീസ് പറഞ്ഞു. സംഭവത്തിൽ പ്രതിയെ പൊലീസ് അറസ്റ്റ് ചെയ്തു. ഇന്നലെ രാത്രിയാണ് കൊലപാതകം നടന്നത്. വീട്ടിൽ മദ്യപിച്ചെത്തിയ കണ്ണൻ വീണ്ടും മദ്യപിക്കാൻ അമ്മയോട് പണം ആവശ്യപ്പെട്ടു. എന്നാൽ ഇവർ പണം ‌നൽകാൻ തയ്യാറായില്ല. തുടർന്ന് ഇരുവരും തമ്മിൽ തർക്കം ഉണ്ടായി. ഇതിനിടെ മകൻ അമ്മയെ ക്രൂരമായി മർദിച്ചതന്ന് പൊലീസ് പറയുന്നു. വീട്ടിലെ ഗ്യാസ് സിലിണ്ടർ സഹോദരന് നൽകിയതിന്റെ പ്രതികാരവും ഇയാൾക്ക് അമ്മയോട് ഉണ്ടായിരുന്നു എന്നും പൊലീസ് പറഞ്ഞു.