കോഹ്ലിക്ക് വേണ്ടി ഹിറ്റ്മാന്റെ പ്രതികാരം; തൻസിം ഹസന് മറുപടി
1 min read
ട്വന്റി 20 ലോകകപ്പിൽ ബംഗ്ലാദേശിനെ തോൽപ്പിച്ചിരിക്കുകയാണ് ഇന്ത്യ. എന്നാൽ മത്സരത്തിനിടയിലെ ചില രംഗങ്ങളാണ് സമൂഹമാധ്യമങ്ങളിൽ തരംഗമാകുന്നത്. മത്സരത്തിൽ ഇന്ത്യൻ സൂപ്പർ താരം വിരാട് കോഹ്ലി 37 റൺസെടുത്ത് പുറത്തായി. താരത്തെ പുറത്താക്കിയ ബംഗ്ലാദേശ് പേസർ തൻസിം ഹസന്റെ വിക്കറ്റ് ആഘോഷം അതിരുവിട്ടതായി ആരാധകർ ചൂണ്ടിക്കാട്ടി. പിന്നാലെ ഇന്ത്യൻ ക്യാപ്റ്റൻ രോഹിത് ശർമ്മ മറുപടിയുമായി വന്നു.
ബംഗ്ലാദേശ് ഓപ്പണർ ലിട്ടൺ ദാസ് പുറത്തായപ്പോഴാണ് രോഹിത് ശർമ്മ തൻസിം ഹസന് സമാനമായി വിക്കറ്റ് ആഘോഷം നടത്തിയത്. ഇത് വിരാട് കോഹ്ലിക്കുവേണ്ടിയുള്ള ഹിറ്റ്മാന്റെ പ്രതികാരമെന്നാണ് ആരാധകർ പറയുന്നത്. എന്തായാലും മത്സരത്തിൽ അന്തിമ ആഘോഷം നടത്തിയത് ഇന്ത്യൻ ടീമായിരുന്നു. 50 റൺസിനാണ് ബംഗ്ലാദേശിനെ ഇന്ത്യ പരാജയപ്പെടുത്തിയത്.
മത്സരത്തിൽ ആദ്യം ബാറ്റ് ചെയ്ത ഇന്ത്യ അഞ്ച് വിക്കറ്റ് നഷ്ടത്തിൽ 196 റൺസെടുത്തു. ഹാർദ്ദിക്ക് പാണ്ഡ്യയുടെ അർദ്ധ സെഞ്ച്വറിയാണ് ഇന്ത്യയെ മികച്ച സ്കോറിലെത്തിച്ചത്. മറുപടി പറഞ്ഞ ബംഗ്ലാദേശിന് എട്ട് വിക്കറ്റ് നഷ്ടത്തിൽ 146 റൺസിലെത്താനെ സാധിച്ചുള്ളു. കുൽദീപ് യാദവ് മൂന്നും ജസ്പ്രിത് ബുംറ, അർഷ്ദീപ് സിംഗ് എന്നിവർ രണ്ടും വിക്കറ്റുകൾ വീഴ്ത്തി.
