സാമൂഹികമാധ്യമങ്ങളിലൂടെ ബാലികയ്ക്കെതിരേ വര്‍ഗീയ- ലൈംഗിക അധിക്ഷേപം നടത്തിയയാളെ മുഴക്കുന്ന് പോലീസ് അറസ്റ്റ് ചെയ്തു.
ഇരിട്ടി: സാമൂഹിക മാധ്യമങ്ങളിലൂടെ വര്‍ഗീയ വിദ്വേഷവും ബാലികയ്ക്കെതിരേ ലൈംഗിക അധിക്ഷേപവും നടത്തിയ വിമല്‍ ശിവശക്തിയെ മുഴക്കുന്ന് പോലിസ് അറസ്റ്റ് ചെയ്തു. ഇയാളെ പിന്നീട് കോടതി റിമാന്റ് ചെയ്തു. എസ് ഡി പി ഐ മുഴക്കുന്ന് പഞ്ചായത്ത് ജോയിൻ്റ് സെക്രട്ടറി യൂനുസ് വിളക്കോട് നല്‍കിയ പരാതിയിലാണ് നടപടി ഉണ്ടായത്. സാമൂഹികമാധ്യമത്തില്‍ പോസ്റ്റ് ചെയ്ത പെണ്‍കുട്ടിയുടെ ഫോട്ടോയ്ക്ക് താഴെയാണ് ഇയാള്‍ വര്‍ഗീയപരവും ലൈംഗിക അധിക്ഷേപകരവുമായ കമന്റിട്ടത്. അബാക്കസ് പരീക്ഷയിൽ ഉന്നത വിജയം നേടിയ ബാലികയെ എസ് ഡി പി ഐ അനുമോദിച്ചതിൻ്റെ ചിത്രം ഫേസ്ബുക്കിൽ പോസ്റ്റ് ചെയ്തപ്പോഴായിരുന്നു അധിക്ഷേപം. ഇതേ തുടര്‍ന്നാണ് മുഴക്കുന്ന് പഞ്ചായത്ത് ജോയിൻ്റ് സെക്രട്ടറി യങ് ഡെമോക്രാറ്റ് പേരാവൂർ മണ്ഡലം കമ്മിറ്റി അംഗവുമായ യൂനുസ് വിളക്കോട് പരാതി നല്‍കിയിത്. പ്രതിയെ കോടതി രണ്ടാഴ്ചത്തേക്ക് റിമാൻ്റ് ചെയ്തു.
