ബത്തേരി സഹകരണ ബാങ്കിലെ നിയമനക്കോഴ: ഐ സി ബാലകൃഷ്ണൻ എംഎൽഎക്കെതിരെ കേസെടുക്കണമെന്ന് വിജിലൻസ് അന്വേഷണ റിപ്പോർട്ട്
ബത്തേരി സഹകരണ ബാങ്കിലെ നിയമനക്കോഴയിൽ ഐ സി ബാലകൃഷ്ണൻ എംഎൽഎക്കെതിരെ കേസെടുത്ത് തുടർനടപടി സ്വീകരിക്കണമെന്ന് വിജിലൻസ് അന്വേഷണ റിപ്പോർട്ട്. മൂന്നു മാസത്തെ അന്വേഷണത്തിനൊടുവിൽ അന്വേഷണ ഉദ്യോഗസ്ഥൻ ഷാജി വർഗീസ് വിജിലൻസ് ഡയറക്ടർ യോഗേഷ് ഗുപ്തക്ക് റിപ്പോർട്ട് കൈമാറി.
ബത്തേരി സഹകരണ ബാങ്കിൽ നിയമനം നൽകാമെന്നേറ്റ് ലക്ഷങ്ങൾ വാങ്ങി വഞ്ചിച്ചുവെന്നായിരുന്നു ഐ സി ബാലകൃഷ്ണനെതിരെ പരാതികൾ. വയനാട് ഡിസിസി ട്രഷറർ എൻ എം വിജയന്റെ ആത്മഹ്യക്ക് ഇടയാക്കിയതും ബാങ്കിലെ അഴിമതിയായിരുന്നു.ബത്തേരി അർബൻ ബാങ്കിൽ നിയമനത്തിനായി ഐസി ബാലകൃഷ്ണൻ ശുപാർശ നൽകിയതിന്റെ തെളിവുകൾ പുറത്തുവന്നിരുന്നു. ഐസി ബാലകൃഷ്ണൻ ബാങ്കിലെ നിയമനത്തിന്റെ തന്റെ അധികാരം ദുരുപയോഗം ചെയ്തിരുന്നുവെന്നും. എൻഎം വിജയന്റെ ആത്മഹത്യാക്കുറിപ്പിൽ പരാമർശിച്ചിട്ടുണ്ടായിരുന്നു.
അനധികൃത നിയമനത്തിന് ഐസി ബാലകൃഷ്ണൻ ഉദ്യോഗാർത്ഥികളുടെ പട്ടിക നൽകിയിരുന്നതായി ബത്തേരി അർബൻ ബാങ്ക് മുൻ ചെയർമാൻ ഡോ. സണ്ണി ജോർജിന്റെ വിളിപ്പെടുത്തലും പുറത്തുവന്നിരുന്നു.
