ബിരിയാണിക്ക് ചെലവേറും, ഇന്ത്യാ പാക്ക് സംഘര്ഷത്തില് വിലയേറി ബസ്മതി അരി
ഇന്ത്യയും പാകിസ്ഥാനും തമ്മിലുള്ള സംഘര്ഷങ്ങള് വര്ദ്ധിച്ചുവരുന്നതിനിടെ കഴിഞ്ഞ രണ്ടാഴ്ചയ്ക്കുള്ളില് ബസ്മതി അരിയുടെ വില 10% വരെ ഉയര്ന്നു. കഴിഞ്ഞ രണ്ടാഴ്ചയ്ക്കിടെ ബസ്മതി അരി വില മൊത്തവ്യാപാര കമ്പോളങ്ങളില് കിലോയ്ക്ക് 53 രൂപയില് നിന്ന് 59 രൂപയായാണ് ഉയര്ന്നത്. പ്രാദേശിക വിതരണം ഉറപ്പാക്കാന് ഇന്ത്യ മിനിമം കയറ്റുമതി നിയന്ത്രണം ഏര്പ്പെടുത്തിയതിനെത്തുടര്ന്ന് ആഗോള ഉപഭോക്താക്കള് പാകിസ്ഥാനിലേക്ക് മാറിയിരുന്നു. എന്നാല് കഴിഞ്ഞ വര്ഷം സെപ്റ്റംബറില് ബസ്മതി അരിയുടെ വില കുറയാന് തുടങ്ങിയിരുന്നു. പിന്നീട് സര്ക്കാര് പരിധി ഉയര്ത്തി, പക്ഷേ അപ്പോഴേക്കും ബസ്മതി അരി വാങ്ങുന്ന രാജ്യങ്ങള് പാകിസ്ഥാനിലേക്ക് ഓര്ഡര് നല്കിയിരുന്നു, ഇത് ആഭ്യന്തര വിപണിയില് ബസുമതി അരിയുടെ അമിത വിതരണത്തിന് കാരണമായി, ഇത് വിലയില് ഇടിവുണ്ടാക്കി. ഇന്ത്യയും പാകിസ്ഥാനും തമ്മിലുള്ള സംഘര്ഷങ്ങള് ബസ്മതി അരിയുടെ വിതരണം തടസ്സപ്പെടുത്താന് സാധ്യതയുണ്ടെന്ന ആശങ്കകള്ക്കിടെ അരി ഇറക്കുമതി രാജ്യങ്ങള് ഇന്ത്യയിലെ വ്യാപാരികള്ക്ക് ഓര്ഡര് നല്കിത്തുടങ്ങി. ഇതോടെ കഴിഞ്ഞ 15 ദിവസത്തിനുള്ളില് വില 8-10% വര്ദ്ധിച്ചു.
