ലെക്സസ് എൽഎം 350 എച്ചിന്റെ ബുക്കിങ് നിർത്തിവെച്ചു
എൽഎം 350 എച്ച് ലക് ഷ്വ റി എംപിവിയുടെ ഇന്ത്യയിലെ ബുക്കിങ്ങുകൾ ലെക്സസ് താത്കാലികമായി നിർത്തിവെച്ചു. വിതരണ ശൃംഖലയിലെ പ്രശ്നങ്ങളും നിലവിലുള്ള ഓർഡറുകൾ പാലിക്കേണ്ടതിൻ്റെ ആവശ്യകതയും കാരണമാണ് ബുക്കിങ്ങുകൾ നിർത്തിയതെന്നാണ് കമ്പനി നൽകിയിരിക്കുന്ന വിശദീകരണം. 2023ലെ ആഗോള അരങ്ങേറ്റത്തിന് ശേഷം 2024 മാർച്ചിലാണ്
കമ്പനി ഈ മോഡൽ ഇന്ത്യയിൽ അവതരിപ്പിച്ചത്. 2023ൽ ബുക്കിങ് ആരംഭിച്ചിരുന്നു. ആദ്യ മാസത്തിനുള്ളിൽ തന്നെ 100 ബുക്കിങ്ങുകളാണ് ഈ വാഹനത്തിന് ലഭിച്ചത്. ഫ്രണ്ട് ഗ്രിൽ, ഹെഡ്‌ലാമ്പുകൾ, അലോയ് വീലുകൾ, വിൻഡോ ഫ്രെയിം എന്നിവയുൾപ്പെടെയുള്ള ഷാർപ്പ് സ്‌റ്റൈലിംഗ് ഘടകങ്ങൾ എന്നിവയ്‌ക്കൊപ്പം ആകർഷകമായ രൂപകൽപ്പനയിലാണ് ഈ വാഹനം വിപണിയിലേക്ക് എത്തിയത്. ഇൻ്റീരിയർ രണ്ട് അപ്‌ഹോൾസ്റ്ററി ചോയ്‌സുകൾ വാഗ്ദാനം ചെയ്യുന്നുണ്ട്. ഫീച്ചർ ഫ്രണ്ടിൽ, ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുമായി പൊരുത്തപ്പെടുന്ന 14 ഇഞ്ച് ടച്ച്‌സ്‌ക്രീൻ സിസ്റ്റവും പിന്നിൽ 48 ഇഞ്ച് ഡിസ്‌പ്ലേ, 23 സ്പീക്കർ ഓഡിയോ സിസ്റ്റം, ഫോൾഡ് ഔട്ട് ടേബിളുകൾ, ഹീറ്റഡ് ആംറെസ്റ്റുകൾ, റീഡിംഗ് ലൈറ്റുകൾ എന്നിവയും ലഭിക്കുന്നു. 190 ബിഎച്ച്പി കരുത്തും 240 എൻഎം ടോർക്കും നൽകുന്ന 2.5 ലിറ്റർ, നാല് സിലിണ്ടർ പെട്രോൾ ഹൈബ്രിഡ് എഞ്ചിനാണ് എൽഎം 350 എച്ചിന് കരുത്തേകുന്നത്.
