കണ്ണൂർ സിറ്റി പോലീസിന് ചരിത്ര വിജയം, ചാമ്പ്യൻ കിരീടം.

കണ്ണൂർ▾കേരള പോലീസ് അത്‌ലറ്റിക്സ് ആൻ്റ് ഗെയിംസ് മീറ്റിൽ ജില്ലാ പോലീസ് തലത്തിൽ 99 പോയിന്റുകൾ വാരിക്കൂട്ടി കണ്ണൂർ സിറ്റി പോലീസ് ഡിവിഷൻ ഓവറോൾ ചാമ്പ്യന്മാരായി ചരിത്രനേട്ടം സ്വന്തമാക്കി.

തിരുവനന്തപുരം ചന്ദ്രശേഖരൻ നായർ സ്റ്റേഡിയത്തിലും യൂണിവേഴ്സിറ്റി സ്റ്റേഡിയത്തിലുമായി അരങ്ങേറിയ മത്സരങ്ങളിൽ സമാനതകളില്ലാത്ത ആധിപത്യമാണ് കണ്ണൂർ സിറ്റി പോലീസ് സംഘം കാഴ്ചവെച്ചത്.

ട്രാക്കിലും ഫീൽഡിലും ഒരേപോലെ കരുത്ത് തെളിയിച്ച കണ്ണൂർ സിറ്റി ടീം 4 സ്വർണവും 5 വെള്ളിയും 5 വെങ്കലവും ഉൾപ്പെടെയാണ് മികച്ച പോയിന്റ് നിലയോടെ ഒന്നാമതെത്തിയത്.

37 പോയിന്റുകൾ നേടി ഇടുക്കി ജില്ലാ പോലീസ് റണ്ണേഴ്സ് അപ്പായപ്പോൾ, 36 പോയിന്റുകളോടെ പാലക്കാട് ജില്ല മൂന്നാം സ്ഥാനം കരസ്ഥമാക്കി.

സമാപന സമ്മേളനത്തിൽ മുഖ്യമന്ത്രി വിഡി സതീശൻ മുഖ്യാതിഥിയായി പങ്കെടുത്ത് ചാമ്പ്യൻമാർക്കുള്ള ട്രോഫി കണ്ണൂർ സിറ്റി പോലീസ് ഡിവിഷൻ ടീമിന് കൈമാറി.