വന്നിട്ടുള്ളത് യുജിസി കരട് രേഖ മാത്രം, എല്ലാവരുടെയും അഭിപ്രായങ്ങൾ പരിഗണിച്ചേ അന്തിമ തീരുമാനമെടുക്കൂ; ഗവർണർ

യുജിസി കരട് റെഗുലേഷനുമായി ബന്ധപ്പെട്ട് സംസ്ഥാന നിയമസഭ പാസാക്കിയ പ്രമേയത്തോട് പ്രതികരിച്ച് ഗവർണർ രാജേന്ദ്ര വിശ്വനാഥ് ആർലേക്കർ. ജനാധിപത്യത്തിൽ ഏത് വിഷയത്തിലും എന്തും പറയാൻ എല്ലാവർക്കും അവകാശമുണ്ട്. അതിൻ്റേതായ വേദികളിൽ എല്ലാ കാഴ്ചപ്പാടുകളും എത്തുകയും ചർച്ച ചെയ്യപ്പെടുകയും ചെയ്യും.

 

ഇപ്പോൾ വന്നിട്ടുള്ളത് കരട് രേഖ മാത്രമാണ്. എല്ലാവരുടെയും അഭിപ്രായങ്ങൾ പരിഗണിച്ച് അന്തിമ രേഖ തയാറാകുമെന്നും ഗവർണർ ചൂണ്ടിക്കാട്ടി. നേരത്തെ, ഭ​ര​ണ​ഘ​ട​ന​യു​ടെ അ​ന്തഃ​സ​ത്ത ഉ​ള്‍ക്കൊ​ള്ളാ​തെ വൈ​സ് ചാ​ന്‍സ​ല​ര്‍ നി​യ​മ​ന​ത്തി​ല​ട​ക്കം സം​സ്ഥാ​ന സ​ര്‍ക്കാ​റു​ക​ളു​ടെ അ​ഭി​പ്രാ​യ​ങ്ങ​ൾ പൂ​ര്‍ണ​മാ​യും ഒ​ഴി​വാ​ക്കു​ന്ന 2025 ലെ ​ക​ര​ട് യുജി​സി മാ​ന​ദ​ണ്ഡ​ങ്ങ​ള്‍ ഫെ​ഡ​റ​ല്‍ സം​വി​ധാ​ന​ത്തി​നും ജ​നാ​ധി​പ​ത്യ​ത്തി​നും നി​ര​ക്കാ​ത്ത​താ​ണെ​ന്ന് ചൂണ്ടിക്കാട്ടി മുഖ്യമന്ത്രി പിണറായി വിജയൻ കേരള നിയമസഭയിൽ പ്രമേയം പാസാക്കിയിരുന്നു.

ക​ര​ട് യുജി​സി മാ​ന​ദ​ണ്ഡ​ങ്ങ​ള്‍ പി​ന്‍വ​ലി​ക്ക​ണ​മെ​ന്നും വി​ശ​ദ ച​ര്‍ച്ച ന​ട​ത്തി അ​ഭി​പ്രാ​യ​ങ്ങ​ള്‍ ഗൗ​ര​വ​മാ​യി ക​ണ​ക്കി​ലെ​ടു​ത്ത്​ മാ​ത്രമേ പു​തി​യ​ത്​ പു​റ​പ്പെ​ടു​വി​ക്കാവൂ എന്നും ആ​വ​ശ്യ​പ്പെ​ട്ടാണ് മു​ഖ്യ​​മ​ന്ത്രി പി​ണ​റാ​യി വി​ജ​യ​ൻ ച​ട്ടം 118 പ്ര​കാ​രം അ​വ​ത​രി​പ്പി​ച്ച പ്ര​മേ​യം കേരള​ നി​യ​മ​സ​ഭ പാ​സാ​ക്കിയത്. ​