Capital Cup 2026’ന് തിരശ്ശീല ഉയരുന്നു.
Washington DC കേന്ദ്രമായി പ്രവർത്തിക്കുന്ന മലയാളി സമൂഹത്തിന്റെ പ്രമുഖ കായിക സംഘടനയായ MD Strikers Sports Club Inc. അവതരിപ്പിക്കുന്ന Capital Cup 2026 Soccer Tournament മേയ് 23 മേരിലാൻഡിലെ ഫ്രെഡറിക് നഗരത്തിലുള്ള Othello Regionalൽ നടക്കും. അമേരിക്കൻ മലയാളി ഫുടബോൾ ലോകത്ത് ഏറെ ശ്രദ്ധ നേടുന്ന ഈ ടൂർണമെന്റിൽ വിവിധ സംസ്ഥാനങ്ങളിൽ നിന്നുള്ള ടീമുകൾ പങ്കെടുക്കും.
40- വിഭാഗത്തിൽ നടക്കുന്ന ഈ സെവൻസ് ഫുടബോൾ ടൂർണമെന്റ്, കായികമത്സരത്തിനപ്പുറം മലയാളി സമൂഹത്തിന്റെ ഐക്യവും സൌഹൃദവും ആഘോഷിക്കുന്ന വേദിയാകും. കുടുംബസമേതം പങ്കെടുക്കാവുന്ന ഈ ദിനാഘോഷത്തിൽ, ഫുടബോൾ മത്സരങ്ങൾക്കൊപ്പം വൈവിധ്യമാർന്ന കലാപരിപാടികളും ഉണ്ടായിരിക്കുന്നതാണ്. ഇന്ത്യൻ ഫുട്ബോൾ ചരിത്രത്തിലെ ഇതിഹാസതാരവും മുൻ ഇന്ത്യൻ നായകനുമായ ഐ.എം. വിജയൻ ആണ് ടൂർണമെന്റിന്റെ മുഖ്യാതിഥി. അദ്ദേഹത്തിന്റെ സാന്നിധ്യം പരിപാടിക്ക് ദേശീയതല ശ്രദ്ധ നേടിക്കൊടുക്കുന്നുവെന്നാണ് സംഘാടകർ പറയുന്നത്.
“ക്യാപിറ്റൽ കപ്പ് 2026 ഒരു ഫുട്ബോൾ ടൂർണമെന്റിൽ ഒതുങ്ങുന്നതല്ല. അമേരിക്കൻ മലയാളി സമൂഹത്തിന്റെ ആവേശവും ഐക്യവും അഭിമാനവുമാണ്” സംഘാടകർ പറഞ്ഞു. പരിപാടിക്ക് വിവിധ സാമൂഹിക-സാംസ്കാരിക സംഘടനകളുടെയും സമൂഹനേതാക്കളുടെയും പിന്തുണ ലഭിച്ചിട്ടുണ്ട്. അമേരിക്കൻ മലയാളി സമൂഹത്തിലെ കായിക-സാംസ്കാരിക രംഗത്തെ പ്രമുഖർ ചടങ്ങിൽ പങ്കെടുക്കും.
