എസ്.ഐയുടെ വീടിന് മുന്നിൽ യുവാവ് മരിച്ച നിലയിൽ; മകളുടെ സഹപാഠി, രാത്രി വീട്ടിലെത്തി തർക്കം
1 min read
ആലപ്പുഴ: മുതുകുളത്ത് എസ്.ഐയുടെ വീടിന് മുന്നിൽ യുവാവിനെ മരിച്ചനിലയിൽ കണ്ടെത്തി. തൃക്കുന്നപ്പുഴ വലിയപറമ്പ് സ്വദേശി സൂരജി(24)നെയാണ് ആലപ്പുഴ കനകക്കുന്ന് സ്റ്റേഷനിലെ ഗ്രേഡ് എസ്.ഐ. സുരേഷ്കുമാറിന്റെ കുടുംബവീടിന് മുന്നിലെ ഷെഡിൽ തൂങ്ങിമരിച്ച നിലയിൽ കണ്ടെത്തിയത്.എസ്.ഐ.യുടെ മകളും സൂരജും സഹപാഠികളായിരുന്നു. ഈ പരിചയത്തിൽ സൂരജ് കഴിഞ്ഞദിവസം എസ്.ഐ.യുടെ വീട്ടിലെത്തിയിരുന്നു.
എസ്.ഐ. സുരേഷ്കുമാർ ഔദ്യോഗിക ആവശ്യങ്ങൾക്കായി മൂന്നാറിലാണ്. എസ്.ഐയുടെ വീട്ടിൽനിന്ന് പത്തു കിലോമീറ്ററോളം അകലെയാണ് സൂരജിന്റെ വീട്. എസ്.ഐയുടെ മകളും സൂരജും സഹപാഠികളായിരുന്നു. ഈ പരിചയത്തിൽ സൂരജ് കഴിഞ്ഞദിവസം എസ്.ഐയുടെ വീട്ടിലെത്തിയിരുന്നു. രാത്രി ഇവിടെയെത്തിയ സൂരജും വീട്ടുകാരും തമ്മിൽ തർക്കമുണ്ടായെന്നും യുവാവ് പിന്നീട് തിരികെപോയെന്നുമാണ് വിവരം. ഇതിനുപിന്നാലെയാണ് തിങ്കളാഴ്ച രാവിലെ സൂരജിനെ വീടിന് മുന്നിൽ മരിച്ചനിലയിൽ കണ്ടത്.രാത്രിയുണ്ടായ തർക്കത്തിന് ശേഷം ഇവിടെനിന്ന് പോയ സൂരജ് വീണ്ടും തിരികെയെത്തി ജീവനൊടുക്കിയതാകാമെന്നാണ് പോലീസിന്റെ പ്രാഥമിക നിഗമനം. പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇൻക്വസ്റ്റ് നടപടികൾക്ക് ശേഷം മൃതദേഹം പോസ്റ്റ്മോർട്ടത്തിനായി ആശുപത്രിയിലേക്ക് മാറ്റി.
