ഉപഭോക്തൃ അവകാശ ജാലകം 24ന്
ഈ വർഷത്തെ ദേശീയ ഉപഭോക്തൃദിനം ഉപഭോക്തൃ അവകാശ ജാലകം എന്ന പേരിൽ ഡിസംബർ 24 ന് ആചരിക്കും. രാവിലെ 10.30 മുതൽ ജില്ല ഉപഭോക്തൃതർക്ക പരിഹാര കമ്മീഷനിൽ സ്പെഷ്യൽ അദാലത്തും ഉച്ചക്ക് രണ്ട് മണി മുതൽ കണ്ണൂർ ജില്ലാ സ്പോർട്സ് കൗൺസിൽ ഹാളിൽ പൊതു സമ്മേളനം, അവകാശ സഭ സെമിനാർ എന്നിവയും നടത്തും. പൊതുസമ്മേളനം രജിസ്ട്രേഷൻ, പുരാവസ്തു വകുപ്പ് മന്ത്രി രാമചന്ദ്രൻ കടന്നപ്പള്ളി ഉദ്ഘാടനം ചെയ്യും. മേയർ മുസ്ലിഹ് മഠത്തിൽ അധ്യക്ഷനാവും. ജില്ലാ പഞ്ചായത്ത് പ്രസിഡന്റ് അഡ്വ. കെ കെ രത്നകുമാരി മുഖ്യാതിഥിയാകും.
