അഞ്ചുവർഷത്തേക്ക് അഞ്ചു മുഖ്യമന്ത്രി ഉണ്ടാകുമെന്ന് സൂചന; ബൈനോക്കുലറിലൂടെ നോക്കിയിട്ടും മുഖ്യമന്ത്രിയെ കാണുന്നില്ല’; വീണ്ടും പരിഹാസവുമായി ബിജെപി

കേരളത്തിലെ മുഖ്യമന്ത്രി ചർച്ചയിൽ വീണ്ടും പരിഹാസവുമായി ബിജെപി. ബൈനോക്കുലറിലൂടെ നോക്കിയിട്ടും മുഖ്യമന്ത്രിയെ കാണാൻ സാധിക്കുന്നില്ലെന്ന് ബിജെപി വക്താവ് ഷെഹ്സാദ് പൂനെവാല രംഗത്തെത്തി. കോൺഗ്രസ് ആകെ ആശയ കുഴപ്പത്തിലാണ്. അഞ്ചുവർഷത്തേക്ക് അഞ്ചു മുഖ്യമന്ത്രി ഉണ്ടാകുമെന്നാണ് സൂചന എന്നും അദ്ദേഹം പരിഹസിച്ചു.

സംസ്ഥാനത്ത് തിരഞ്ഞെടുപ്പ് വിജയം നേടിയിട്ടും പാർട്ടിയിൽ ആഭ്യന്തര ആശയക്കുഴപ്പം നിലനിൽക്കുന്നുണ്ടെന്ന് അദ്ദേഹം ആരോപിച്ചു. കേരളത്തിൽ കോൺഗ്രസിന്റെ തുടർച്ചയായ നേതൃത്വ ചർച്ചകളെയും 2026 ലെ നിയമസഭാ തിരഞ്ഞെടുപ്പിൽ വിജയം നേടിയ സംസ്ഥാനങ്ങളിലെ ബിജെപിയുടെ വേഗത്തിലുള്ള നേതൃത്വ പ്രഖ്യാപനങ്ങളെയും പൂനവല്ല താരതമ്യം ചെയ്തു.

“കേരളത്തിൽ മികച്ച പ്രകടനം ഉണ്ടായിരുന്നിട്ടും, നേതൃത്വ മുഖം തീരുമാനിക്കാൻ കഴിയാത്ത കോൺഗ്രസ് പാർട്ടി ഇപ്പോൾ തികഞ്ഞ ആശയക്കുഴപ്പത്തിലാണ് എന്നത് ശരിക്കും ലജ്ജാകരമാണ്. 2026 ലെ നിയമസഭാ തിരഞ്ഞെടുപ്പിന് ശേഷം, പശ്ചിമ ബംഗാളിൽ ബിജെപി ചരിത്രപരമായ ഒരു ജനവിധിയും അസമിൽ തുടർച്ചയായ മൂന്നാം തവണയും നേടി. ഞങ്ങൾ ഉടൻ തന്നെ ഞങ്ങളുടെ നേതാക്കളെ പ്രഖ്യാപിച്ചു, സർക്കാരുകൾ ഇതിനകം രൂപീകരിക്കപ്പെട്ടുവരികയാണ്” പൂനവല്ല പറഞ്ഞു.