ഇന്ത്യയിലെ ജനങ്ങൾക്ക് മോദിയിൽ വിശ്വാസം” ബിജെപി അപകടകാരികളെന്ന എ കെ ആന്റണിയുടെ പ്രസ്താവനയിൽ മറുപടിയുമായി അനിൽ ആന്റണി.
ബിജെപി അപകടകാരികൾ എന്ന എകെ ആന്റണിയുടെ പ്രസ്താവനയിൽ മറുപടിയുമായി ബിജെപി ദേശീയ സെക്രട്ടറി അനിൽ ആന്റണി. ഓരോരുത്തർക്കും ഓരോ അഭിപ്രായങ്ങൾ ഉണ്ട്. ഇന്ത്യയിലെ ജനങ്ങൾ അതൊന്നും മാനിക്കുന്നില്ല. ഇന്ത്യയിലെ ജനങ്ങൾക്ക് മോദിയിൽ വിശ്വാസം ഉണ്ട്. കേരളത്തിൽ അടക്കം എല്ലായിടത്തും പാർട്ടി വളരുന്നു. അല്ലാത്ത അഭിപ്രായങ്ങൾ ജനങ്ങൾ നിരാകരിക്കുമെന്ന് അനിൽ ആന്റണി മറുപടി നൽകി.
LDF സർക്കാർ മൂന്നാം തവണ തിരിച്ചു വരില്ല. സാധാരണ LDF ഉം UDF ഉം മാറിമാറിയാണ് ഭരിക്കുന്നത്. ഇത്തവണ എൽഡിഎഫ് മാറിയാലും യുഡിഎഫ് വരില്ല. ബിജെപി സ്ഥാനാർത്ഥികൾ ശക്തർ. മറ്റു മുന്നണികൾ വിസ്മയങ്ങളെയും വർഗീയതയും പറ്റി പറയുമ്പോൾ ബിജെപി പറയുന്നത് വികസനമെന്നും അദ്ദേഹം വ്യക്തമാക്കി.
കോൺഗ്രസ് ഭരിക്കുന്ന ഹിമാചൽപ്രദേശിൽ സംസ്ഥാന സർക്കാർ ഉദ്യോഗസ്ഥർക്ക് ശമ്പളം കൊടുക്കാൻ കഴിയുന്നില്ല. ഡീൽ ആരോപണം തെറ്റിദ്ധരിപ്പിക്കാൻ ആണ്. കേരളത്തിന് പുറത്ത് ഇൻഡി മുന്നണിയിൽ സിപിഐഎമ്മും കോൺഗ്രസും അംഗങ്ങൾ. ബിജെപിക്ക് ജനങ്ങളുമായിട്ട് മാത്രമേ ഡീൽ ഉള്ളൂ. എൽഡിഎഫിനും യുഡിഎഫിനും ബദൽ ബിജെപി.
FCRA ബിൽ, പ്രതിപക്ഷ പാർട്ടികൾ പ്രചാരണ വിഷയമാക്കാൻ ശ്രമിക്കുന്നു. വഖഫ് ബിൽ കൊണ്ടുവരുമ്പോഴും സമാനമായ പ്രതിഷേധം ഉയർന്നിരുന്നു. അതുപോലെ രാജ്യത്ത് ഒരാളുടെയും സ്ഥലവും പോയിട്ടില്ല. സിറ്റിസൺ അമൻഡ്മെൻ് ആക്ടിലും സമാന പ്രതിഷേധമുയർന്നു.
ദേശീയ സുരക്ഷയെ ബാധിക്കുന്ന നിരവധി വിഷയങ്ങളുണ്ട്. രാജ്യത്ത് പ്രവർത്തനങ്ങൾക്ക് ഉപയോഗിച്ചാൽ നിയമവിരുദ്ധമാണ്. പ്രതിപക്ഷം അനാവശ്യ വിവാദങ്ങൾ ഉണ്ടാക്കാൻ ശ്രമിക്കുന്നു. ജനങ്ങളെ തെറ്റിദ്ധരിപ്പിക്കാനുള്ള നീക്കം. ഇത് ഏതെങ്കിലും മതത്തിന് എതിരല്ല. സഭകൾ രാഷ്ട്രീയം കാണുന്നുണ്ടെന്നും അദ്ദേഹം കൂട്ടിച്ചേർത്തു.
