ഇലക്ട്രിക് വാഹനങ്ങൾ ഇടിയും മഴയും ഉള്ളപ്പോൾ ചാർജ് ചെയ്യാമോ? ഇതറിഞ്ഞിരുന്നാൽ പ്രശ്നങ്ങളുണ്ടാവില്ല

ഇലക്ട്രിക് വാഹനങ്ങൾ ഇപ്പോൾ വളരെയധികമാളുകൾ ഉപയോ​ഗിക്കുന്നതാണ്. പെട്രോൾ ഡീസൽ വിലയും മെയിൻ്റനൻസ് ചാർജുമൊക്കായാണ് പലരേയും ഇലക്ട്രിക് വാഹനങ്ങളിലേക്ക് നയിക്കാൻ കാരണം. എന്നാൽ ഇലക്ട്രിക് വാഹനങ്ങൾ സുരക്ഷിതമാണോ എന്നതാണ് പലരുടേയും സംശയം. പ്രത്യേകിച്ച് മഴക്കാലത്തുൾപ്പെടെ ഇലക്ട്രിക് വാ​ഹനങ്ങൾ ചാർജ് ചെയ്യാമോ എന്നതാണ് ഏവരുടേയും സംശയം. കേരളത്തിൽ മഴ കനക്കുന്ന സാഹചര്യത്തിൽ എങ്ങനെ ഈ സമയങ്ങളിലെല്ലാം വാഹനം ചാർജ് ചെയ്യാമെന്നത് ഇലക്ട്രിക് വാഹനങ്ങൾ ഉപയോ​ഗിക്കുന്ന ഏതൊരാളും അറിഞ്ഞിരിക്കേണ്ടതാണ്.

ഇടിമിന്നലും മഴയും ഉള്ളപ്പോൾ ചാർജ് ചെയ്താൽ എന്താണ് കുഴപ്പം?

ഇടിമിന്നലും മഴയും ഉള്ളപ്പോൾ ഇലക്ട്രിക് വാഹനങ്ങൾ ചാർജ് ചെയ്യന്നതുകൊണ്ട് വലിയ ബുദ്ധിമുട്ടുകൾ ഒന്നുമില്ലെന്നാണ് വാഹന നിർമാതാക്കളും വി​ദ​ഗ്ധരും പറയുന്നത്. ചാർജിങ് കേബിളുകൾ വാട്ടർ പ്രൂഫ് ആയിരിക്കുമെന്നതാണ് പ്രശ്നങ്ങൾ ഇല്ലാതിരിക്കാനുള്ള പ്രധാന കാരണം. അതോടൊപ്പം വോൾട്ടേജ് വേരിയേഷനുകളും ബാധിക്കാത്തതാകും ഇത്തരം ചാർജിങ് സംവിധാനങ്ങൾ എന്നാണ് പറയുന്നത്.
എന്നാലും ചാർജിങിനിടെ ചില കാര്യങ്ങൾ ശ്രദ്ധിക്കുന്നത് എപ്പോഴും നല്ലതാണ്.

എന്തൊക്കെ ശ്രദ്ധിക്കണം?

• ശക്തമായ ഇടിമിന്നൽ ഉള്ളപ്പോൾ ചാർജ് ചെയ്യാതിരിക്കുന്നതാണ് എപ്പോഴും നല്ലത്. കാരണം പവർ സർജ് മൂലം ചാർജറിനോ ബാറ്ററിക്കോ കേടുപാടുകൾ ഉണ്ടാകാം.

• വീട്ടിൽ ചാർജ് ചെയ്യുമ്പോൾ സർജ് പ്രൊട്ടക്ഷനുള്ള കണക്ഷനുകൾ ഉപയോ​ഗിക്കണം.

• പബ്ലിക് ചാർജിങ് സ്റ്റേഷനുകൾ കാലാവസ്ഥയ്ക്ക് അധീതമായിരിക്കും അതിനാൽ അത് വലിയ പ്രശ്നങ്ങൾ ഉണ്ടാക്കുന്നില്ല

• ഓരോ വാഹനത്തിനും അതിൻ്റെ മാനുഫാക്ചേർസ് കൃത്യമായ മാനദണ്ഡങ്ങൾ നൽകിയിട്ടുണ്ട്. അത് പ്രകാരം മാത്രം ചാർജ് ചെയ്യുക