മുന് ടെന്നീസ് താരം ലിയാന്ഡര് പേസിന്റെ പിതാവും ഒളിമ്പിക് ഹോക്കി മെഡല് ജേതാവുമായ വെസ് പേസ് അന്തരിച്ചു
ഒളിമ്പിക് ഹോക്കി വെങ്കല മെഡല് ജേതാവും ഇന്ത്യന് ടെന്നീസ് താരം ലിയാന്ഡര് പേസിന്റെ പിതാവുമായ ഡോ. വെസ് പേസ് അന്തരിച്ചു. 80 വയസ്സായിരുന്നു. പാര്ക്കിന്സണ്സ് രോഗത്തിന്റെ മൂര്ദ്ധന്യാവസ്ഥയിലായിരുന്ന വെസ് പേസിനെ ചൊവ്വാഴ്ച പുലര്ച്ചെയാണ് കൊല്ക്കത്തയിലെ വുഡ്ലാന്ഡ്സ് ആശുപത്രിയില് പ്രവേശിപ്പിച്ചത്. ഇവിടെ വെച്ചായിരുന്നു അന്ത്യം. ഇന്ത്യയുടെ ഇതിഹാസ ടെന്നീസ് താരം ലിയാന്ഡര് പേസിന്റെ പിതാവായ വെസ് പേസ് ഹോക്കി താരമായിരുന്നു. 1972 ലെ മ്യൂണിക്ക് ഒളിമ്പിക്സില് വെങ്കലം നേടിയ ഇന്ത്യന് ഹോക്കി ടീമില് അംഗമായിരുന്നു.
