സംസ്ഥാനത്ത് ലഭിച്ചത് പ്രതീക്ഷിച്ചതിനെക്കാള് കൂടുതല് വേനല് മഴ; ഏറ്റവും കൂടുതല് കണ്ണൂര് ജില്ലയില്
സംസ്ഥാനത്ത് പ്രതീക്ഷിച്ചതിനെക്കാള് കൂടുതല് വേനല് മഴ ഇത്തവണ ലഭിച്ചതായി കണക്കുകള്. 62 ശതമാനം അധിക വേനല് മഴയാണ് ലഭിച്ചത്.
മാർച്ച് ഒന്ന് മുതല് 19 വരെയുള്ള കാലയളവില് 95.66 മില്ലീമീറ്റർ മഴയാണ് കേരളം പ്രതീക്ഷിച്ചത്. എന്നാല് 154 .7 മില്ലീമീറ്റർ മഴ ലഭിച്ചു. ഇത് 62 ശതമാനം അധികമാണ്. കണ്ണൂർ ജില്ലയിലാണ് ഏറ്റവും കൂടുതല് വേനല് മഴ ലഭിച്ചത്. 167 ശതമാനം അധിക മഴയാണ് ഇവിടെ പെയ്തത്. പ്രതീക്ഷിച്ചത് 42 മില്ലീമീറ്റർ മഴയാണെങ്കില് ലഭിച്ചത് 112 .3 മില്ലീമീറ്റർ മഴ.
പാലക്കാട്, കോഴിക്കോട് ജില്ലകളിലും 100 ശതമാനത്തിലധികം അധിക മഴ ലഭിച്ചു. പ്രതീക്ഷിച്ചതിനേക്കാള് ഏറ്റവും കുറവ് അധിക മഴ ലഭിച്ചത് ഇടുക്കി ജില്ലയിലാണ്. ആറ് ശതമാനമാണ് ലഭിച്ചത്. കാസർകോഡ്, എറണാകുളം, ആലപ്പുഴ, ഇടുക്കി ഒഴികെയുള്ള എല്ലാ ജില്ലകളിലും 50 ശതമാനത്തിന് മുകളില് അധിക മഴ പെയ്തു.
